In Die Museumhuis

by Lionel Murcott

 

Jy fok nie met ’n boeremeisie – veral nie
in die huis van haar oorlede grootouers nie.

Die vloere is gepoleer, die sitkamergemakstoele
is donker geelbruin en onsitbaar – waar
gaan dié twee lê? Kaal albei, haar bene
vas om sy heupe, arms om mekaar,
soek hulle na ‘n bed. Maar … stemme –
uit die ouers se huis langsaan: Wat gaan
hier aan? Hy los haar, skuil om die hoek
in die donkergemeubelde eetkamer – al moet sy
nou alleen voor haar ouers staan,
al is sy met haar broer beskuldig.

In die huis
van haar grootouers fok jy nie met ’n meisie.

Tagged with:
Posted in Poetry
Archives