die rewolusie het uitgereën

by Martin Labuschagne

vanmiddag, jare na die persreën,
word ‘n bedonderde betoging
vir dié of daai agtienpersent verhoging,
aanmekaargeflans en in-gebus.
-: slagsprekende spreektrompette met
verwytende vuiste in die lug
is rewolusionêr-reg
vir nog ‘n binne/bende-geveg
onrus-plakkate het vryheid gesweer,
met ‘n donderende dreunsang op die maat
van stampende stewels,
is stroperige struggle songs gesing,
maar niemand het ag geslaan op die moontlikheid van reën,
verradderlik-verspreide donderweer
druppel op druppel het die onmenslike Natuur
die samekoms weg-gedreun:
en plakkate het sambrele geword
wat jillende skares na busse begelei
dan: word alles weer sto(r)m-stil.
en almal verklaar: later, op ‘n ander keer,
sal ons weer masjeer, onwetend:
dat vanoggend
om twee-minute-voor-twaalf
het die rewolusie finaal uitgereën
en iewers in die townships
het Jesus geween

Tagged with:
Posted in Poetry
THE ALAN PATON WILL TRUST


Botsotso is pleased to announce that it is now hosting administration of this trust.


The function of the trust is to negotiate terms of Permission and Rights under which Alan Paton’s work may be published, translated and/or used in any other manner, such as adaptation.


The literary managers are Warren Jeremy Rourke and Kharys Ateh Laue who are contactable at botsotso@artslink.co.za


All Permissions and Rights accrue directly to the Trust.


For further information please check under the menu item.